المطبخ السوري

موضوع: *المطبخ السوري * الأحد يونيو 08, 2008 3:19 pm

انتهينا من المطبخ المصري اليوم مطبخنا سوري

المكدوس

وهو باذنجان اسود صغير نشتريه بأول فترة تقطيفه لانه اذا اشتريته متأخر يكون مرمر الباذنجان
تحضر الباذنجان وتسلقه بشكل لا يذوب ولا ان يبقى قاسي وعملية السلق هي التي تحدد نجاح المكدوس

بعد ان تسلقه تبدا بتصفيته من الماء فتضعه تدريجيا تحت اوزان ثقيلة بعد ان ترشه بالملح بين كل طبقة وثانية حتى يعصر بشكل تدريجي مثلا تبدا بقطعة ثقيلة حتى بالنهاية تضع جرة الغاز كاملة فوقها وهنا بعدها تجد الباذنجان لم يبقى فيه اي اثر لماء السلق عندها يصبح جاهز
تجهز حشوة عبارة عن جوز وفليفلة حمراء نصفها حلو ونصفها حد وثوم مخلطين جيدا ببعض ومملحين ثم تبدا بحشي المكدوس من الحشوة وحين تنتهي تغمره بالزيت وتتركه 10 ايام بعدها تبدا بالاكل منه وهي صورة للمكدوس

*المطبخ السوري * Image%28593%29

محشي البطاطا

*المطبخ السوري * Mony_40

المواد اللازمة :

2 كيلو بطاطا صغيرة الحجم

صنوبر محمص ( اختياري )

نصف كيلو لحمة ناعمة

ملح و بهار و قرفة

الصوص :

2- 3 ملعقة رب البندورة

خمس أكواب ماء أو مرق

نصف ملعقة صغيرة حب هال مطحون (انا بحب الهال كتير عشان هيك بضيفه لأغلب طبخاتي , بس الوصفة الأصلية ما فيها هال )

ملح و بهار مشكل

التحضير :

- نقشر البطاطا ثم نحفرها .

*المطبخ السوري * Mony_33

- نقلي البطاطا بالزيت حتى تشقر شوي .

*المطبخ السوري * Mony_34

- و بعدها نحطها على ورق نشاف أو محارم لتمتص الزائد من الزيت .

*المطبخ السوري * Mony_35

- نقلي اللحمة و نتبلها بالملح و البهار و بعدها نضيف الصنوبر و ندع الحشوة لتبرد .

*المطبخ السوري * Mony_32

- تحشى البطاطا باللحمة بحيث تملئيها بشكل كامل .

*المطبخ السوري * Mony_36

- نذوب رب البندورة بالمرق و نتبل و ندعها حتى تغلي .

*المطبخ السوري * Mony_38

- نرتب البطاطا المحشية في الطنجرة ثم نغمرها بالمرق .

*المطبخ السوري * Mony_39

- ندعها على نار هادئة مدة ثلاث أرباع ساعة تقريباً و بعد أن تنضج تقلب في صحن التقديم و تقدم مع الرز المفلفل بالشعيرية مع مرقها اللذيذ .

*المطبخ السوري * Mony_40

الكبة المقلية

*المطبخ السوري * Image%28640%291

الطريقة كالتالي تنقعي البرغل وتجيبي لحمة هبرة مثلا لكل كيلو برغل وقيتين لحمة هبرة وتعجنيهم سوا بالعجانة وتزبطي ملحها وبهاراتها للعجينة متل ما بتحبيها وتروحي للحشوة تقلي لحمة مع بصلة وبحط لها كمان دبس الرمان وصنوبر وبكثر الفلفل شوي وبجهز الحشوة بكون العجين اتجانس تمام ممع بعضه بتحطي قدامك زبدية ماء وتقسمي العجين طابات صغيرة وتبداي فيهم وحدة وحدة تكوريها وتحشيها ولما تخلصي صفيهم والافضل لو عملتيهم مساء وغطيهم بقماشة شاش بيضا وتاني يوم من الصبح تفيقي وتشكي كل قرص بالشوكة قبل القلي والافضل للكبة تكون الزيت لا كتير ولا قليل وكمان لا تكتري كبة بالطنجرة بمعدل 4 كبايات او 5 حتى يتقلوا مزبوط يزهر لونهم ويغمق شوي شيليهم...بس لا تنتظري يصير لونهم متل صحني لانه هذا زوجي تركته يتابع القلي رجعت لقيتهم بهالحالة

شيش برك

مقادير العجينة:
2-كأس طحين منخول .
ملعقة صغيرة ملح
ملقعة كبيرة زيت مازولا
نخلط الطحين والملح والزيت منيح بعدين نضيف الماء شوي شوي ونعجن اتصير العجينة طرية وما بتلزق باليد
ونتركها شي نصف ساعة ترتاح اذا شوب او ساعة بالبرد مع تغطيتها بمنشفة مبلولة شوي

مقادير الحشو :
نصف كيلو لحمة مطحونة
كمشة بقدونس مفرومة صغير كتير (في ناس ما بيحطوها )
بصلة كبيرة مفرومة ناعم كتير كمان
ملح ،فلفل، بهار
نقلي البصلة بزيت مازولا لحد ما تدبل موتنحرق او يتغير اللون
نضيف اللحمة والملح والبهار ونقليها منيح منيح
اخر شي نضيف البقدونس ونقليها شوي بس
ونترك اللحمة لتبرد ونحاول نشفها من الزيت لانه ما بيخلي العجينة تسكر اذا كان كتير
الطريقة بالصور :
نرق العجينة منيح بالشوبك او بألة العجين متل الصورة
*المطبخ السوري * 000_0216

منقطع العجينة او بكاسةمدورة بس صغيرة او بألة التقطيع وكل ما كانت الدائرة اصغر اطيب واحلى ومنظرها حلو اكتر
وهي صورة مع مراحل عمل الشيشبرك بالتدريج بجانبها

*المطبخ السوري * 000_0218

وهي اوضح

بعد ما نقطع العجينة بشكل دائري ناخد كل دائرة ونضع بداخلها نصف ملعقة صغيرة من الحشو ونسكرها على بعض بشكل هلال
*المطبخ السوري * 000_0225

بعدين ناخد طرفين الهلال ونلزقن ببعض متل الصورة
*المطبخ السوري * 000_0227

قطعة قطعة ليخلصوا الكل
*المطبخ السوري * 000_0221

اذا بتحبوا تفرزوا دخلوات الصحن على البراد متل ما هو ولما يجمد العجين منحطوا بكيس نايلون حتى ما ياخد حجم

طبخ اللبن :
افضل طريقة للبن يلي ساكن بالسعودية وبيطلع متل لبن الشام
3 علب لبن زبادي نادك وبعده ندى يلي حجم العلبة 400غرام مو اللبن السائل لالاالجامد
اعلبة من اللبن بس فيها ماء فقط
3 ملاعق كورن فلاور كبار بس ممسوحين مو مطفطفين
ملعقة صغيرة ملح وبعدين ممكن نزيد الملح حسب الذوق
نضربهم بالخلاط او اذا في الخلاط يلي بينزل بالطنجرة احسن منحطون بالطنجرة ومنخلطهن منيح منيح ونضعهن على نار متوسطة موعالية حتى ما يلزق اللبن ومنضل عم نحرك ونحرك ونحرك ليغلي اللبن
منسقط الشيشبرك بهدوء ونتركه على نار هادية شي عشر دقايق بيكفي لانه العجينة رقيقة وصغيرة

وبهل الاثناء انا بحب اللبن مع الكزبرة والثوم في ناس بتحبه سادة في مع الطرخون او النعنع اليابس
نحط ملعقة كبيرة سمنة ونضع نصف جرزة كزبرة مفرومة منيح منقليها بالكزبرة وسنين ثوم صغار مدقوقين
منقليهن منيح ومنحطون فوق اللبن قبل ما نطفي بدقيقتين والف صحة
واتفضلوا
*المطبخ السوري * 000_0229

مع تحياتي لكم *المطبخ السوري * Feuerwerk015

من كوكل سيرج